برنامج المشروع

المشروع هو أول برنامج تلفزيون واقع في مصر عن رواد الأعمال. يذاع على قناة النهار بدايته كانت في ديسمبر 2013. بعد مرحلة طويلة من اختيار المتسابقين من كل حتة في مصر، تم اختيار 14 رائد أعمال مصري شاب هيتم اختبار قدراتهم ومهاراتهم وخبراتهم كرواد أعمال، كل واحد فيهم هيكون قدامه الفرصة إنه يفوز بعدد كبير من الجوايز، من ضمنها دعم حقيقي لمشروعه وجايزة مالية كبيرة للفائز في كل موسم.

المشروع

تقديم المسابقة

المسابقة مفتوحة لكل مصري سنه مابين 18 لـ 35 سنة بتتوفر فيه المواصفات التالية:

• لسه بيأسس مشروعه، سواء مشروع تجاري أو اجتماعي.
• عنده فعلا مشروع صغير أو في بداياته وعايز يكبره ويطوّره.
• فكرة لمشروع لسه مبدأش فيه، بس خد على الأقل خطوات ملموسة تجاه تحقيقه.
• عنده بيزنس لسه غير مسجّل رسمياً وعايز يكبره ويطوره.

ولو مشروعك بتتوفّر فيه المواصفات التالية، فده هيكون ميزة إضافية:

• بيوفّر فرص عمل جديدة.
• ليه تأثير اجتماعي أو بيئي.
• مربح مادياً.

جوائز البرنامج

كل حلقة بيكون فيها جايزة صغيرة للفائز في الحلقة، مفيش حد بيخرج من “المشروع” إيده فاضية! الجوايز بتتضمن: فلوس، موبايلات، تصميم مجاني لموقع، استشارات وتدريب، إرشاد شخصي..إلخ الفايز الأخير بالبرنامج هيكسب جايزة مالية كبيرة يقدر يموّل بيها مشروعه.

المتسابقين

التحكيم

التحكيم في المسابقة بنقسم الي 3 حكام 2 ثابتين 1 متغير

الحكام الاساسيون

هشام الجمل

مؤسس "quest" للتنمية البشرية والاستشارات الإدارية لتطوير المؤسسات الجديدة في الشرق الأوسط منذ 1999. مستشار إدارة الأعمال لأكثر من 25 عاماً في مجالات متنوعة مثل: الهندسة، المبيعات والتسويق والاستشارات الإدارية. مدرّب ومستشار معتمد لعدد كبير من المؤسسات في مصر وأوروبا، وعضو "اتحاد مستشاري إدارة الأعمال".

هلا حطّاب

محاضر في إدارة الأعمال بالجامعة البريطانية في مصر، حاصلة على الدكتوراة في "الريادة النسائية للأعمال".

محكّمة ومدربّة لروّاد الأعمال الجدد في العديد من المسابقات مثل: "جوجل ابدأ".

صدر لها عدد من الكتب عن ريادة الأعمال، خاصة فيما يتعلق بريادة الأعمال لدى السيدات، مثل:

البيئة الخارجية والريادة النسائية للأعمال (2011)

نظام المسابقة

• عدد المتسابقين في الموسم الأول من "المشروع" هو 14 متسابق.

إزاي بيتم التصفية بينهم؟

• في كل حلقة بيتم تقسيم المتسابقين لفريقين.

وبيكون قدام الفريقين في كل حلقة: تحدي، عبارة عن اختبار حقيقي لقدرات ريادة الأعمال لأعضاء كل فريق.

• بناء على نتيجة التحدي اللي بتعلنها لجنة التحكيم، الفريق الخسران بيعمل اجتماع، وبيختاروا من بينهم المتسابق اللي شايفين إنه يستاهل إنه يخرج من البرنامج بناء على أدائه في التحدي.
• في نفس الوقت، لجنة التحكيم بتختار متسابق تاني، شايفين إنه هو كمان يستاهل يخرج في المرحلة دي من المسابقة.

والاتنين متسابقين دول _اللي اختاره الفريق واللي اختاره لجنة التحكيم_ بيكون عند كل واحد فيهم فرصة أخيرة إنه يكمل في البرنامج.

• الاتنين بيقفوا قدام لجنة التحكيم، واللي بيقدر يقنع اللجنة إنه أحق بالاستمرار في البرنامج، هو اللي هيفضل موجود في المسابقة.

كيف يتم تحديد الفائز

• بتستمر التحديات والتصفيات بين المتسابقين، لحد المرحلة الأخيرة

واللي بيبدأ فيها المتسابقين اللي فاضلين في البرنامج في الشغل على مشاريعهم الخاصة.

• اللي هتكون التصفية بينهم في الحلقة الأخيرة

واللي فيها هيتم تحديد المتسابق الفايز بالجايزة الكبرى، جايزة لجنة التحكيم!

المراجع

<http://elmashrou3.tv/ /> قناة النهار (مصر)

موسوعات ذات صلة :

• موسوعة تلفاز