هذه قائمة بأمثال عراقية شعبيّة باللهجة العراقية:
- من توگع على علّته تبين ملّته
- القرد لو شاف اذانه حار بزمانه
- حلو الطبيعة احسن من حلو الجهامة
- الجهامه : الوجه العبوس
- خلف المنعول چلب طلع انكس منه
- يضرب :- في الخلف السيء المشابه بوالده بالصفات القبيحه والتي تفوق قبح صفات والده
- غراب يكول لغراب وجهك اسود
- يضرب في من يتشابهون بالبؤس والسوء
- اگلّچ يا بنتي واسمعچ يا چنتي
- يضرب في التحدث لشخص وإسماع الشخص المقصود الحديث اي يوجه الكلام لشخص غير مقصود والغايه إسماع المقصود
- يتعلّم الحجامة بروس اليتامة
- يضرب :- في الشخص الذي يجعل من البسطاء حقل لتجاربه الفاشله
- علچ المخبل ترس حلكه
- يضرب :- في الإفراط بشىء لا يتطلب الإفراط به
- الهوش للماكنتوش
- يضرب في حديثي النعمة الذين حين ما يمسكون الخير والجاه يقومون بافعال مشينه
- أبو المثل مخلى شي مگاله
- بالوجه امراية وبالگفه سلاية
- يضرب في الشخص الذي يمدحك في حضورك، ويذمك ويقدحك في غيابك.
- الطول طول النخلة والعقل عقل الصخلة
- يضرب في الشخص الضخم الذي لا يحسن التصرف.
- عرس الواويه
- يضرب في الأمر القصير المدة. شبه بعرس بنات آوى، لأنهن يتضابحن أمدا قصيرا، ثم ينقطع ضباحهن.
- الما يعرف يرگص يگول الگاع عوجه
- المبلل ما يخاف من المطر
- تيتي تيتي مثل ما رحتي جيتي
- گدرت أبوي على أمي
- يامن تعب يامن شگه يامن على الحاضر لگه
- القرد بعين امه غزال
- أبو طبع ما يغير طبعه
- اني وأخوي على أبن عمي وأني وأبن عمي على الغريب
- لا يحل ولا يربط
- كل لشه تتعلگ من كراعها
- أم حسين چنتي بواحد صاروا اثنين
- إمام المايشوّر محّد يزوره
- اقبض من دبش
- مگدّي وخنجره بحزامه
- عيسى بدينه وموسى بدينه
- الما يسوگه مرضعه.. سوگ العصا ما ينفعه
- الفگر فوگ الجبل وعضّه الچلب
- كوم حجار ولا هالجار
- هم نزل وهم يدبّچ عالسطح
- تجيك التهايم وانت نايم
- البزونه تحب خنّاگها
- لا تمشي ويه اللي يضحكك وأمشي ويه اللي يبچيك
- يركض والعشا خباز
يكد ويتعب وبالاخر لايحصل على شيء
- اگعد اعوج واحچي عدل
- سبع صنايع والبخت ضايع
- لحم الخروف معروف
- يحفر البير بابرة
- النادرة تغزل بعود والجايفة تكول الشج معووج
- يكِّد أبو كلاش ويأكل أبو جزمة
- الما يعرف تدابيرة حنطته تاكل شعيرة
- مثل الاطرش بالزفّة
- كلمن گادر على أبن عمه
- الظفر ما يتبرى من اللحم